Abdullah Tamamlar – Mahv Eyle Siva Nakşını

Abdullah Tamamlar Mahv Eyle Siva Nakşını İlahi Sözü

Mahv eyle sivâ nakşını mir`ât-ı basardan,
Yek-reng-i musâfât ola dil jeng-i kederden.
İm’ân-ı nazar eyle bu eşbâha kemâhi,
Pâk eyle ‘anâsır eserin râh-i nazardan.

Aks itmek içün levh-i dile pertev-i vahdet,
Sâf eyle gönül safhasını şekl-i suverden.
Aks itmek içün levh-i dile pertev-i vahdet,
Sâf eyle gönül safhasını şekl-i suverden.

Bâğ-ı emelin itmedi pejmürde-i gaflet,
Dil-zinde olan şebnem-i evrâd-ı seherden.
Fark eylemedin mebde’ ile semt-i mi’âdı,
Sûdun nedir eh hâce bu iklîme seferden.

İksîr-i hakîkatle idüp kalbini hâlis,
Geç cerbeze-i laklaka-i şems ü kamerden.
Tahsîl-i kemâl eyle Rızâyâ ‘ukalâdan,
Erbâb-ı hırde feyz alır üstâd-ı hünerden.