Abdullah Tamamlar – Lamekanı Aşk Ol

Abdullah Tamamlar Lamekanı Aşk Ol İlahi Sözü

Lâ-mekân-ı aşk ol idrâkin mekânı bilmesin,
Öyle mahv ol kim nişân u bî-nişânı bilmesin.
Küşte-i tîğ-i nigâh-ı çeşm-i yâr ol ey gönül,
Çeşminin tîğ-i nigâh-ı bî-emânı bilmesin.

Câm-ı la’linle dilim ol rütbe sermest eyle kim,
Câmdan geçsin nedir cân u cihânı bilmesin.
Câm-ı la’linle dilim ol rütbe sermest eyle kim,
Câmdan geçsin nedir cân u cihânı bilmesin.

Râz-ı aşkı dilde pinhân eyleyen âşık değil,
Âşık oldur kim nedir râz-ı nihânı bilmesin
Ne tegâfüldür ki bir ânda nice dil çâk idüp,
Ol kemân ebrû kazâ-i nâgehânı bilmesin.

Dil olup sîrâb-ı şemşîr-i belâ-yı ‘aşk-ı dôst,
Bilmesin varsın hayât-ı câvidânı bilmesin.
Gizledim râz-ı leb-i cân-bahş-ı yâri öyle kim,
Hâmem itsin vasfını ammâ zebânı bilmesin.

Râz-ı gayb ile bana fahr eyleme ey tercemân,
Râz ana dirler ki gaybın tercemânı bilmesin.
Kangı murg-ı dil cemâlin şem’ine mânend-i Şems,
Şevk ile pervâne-vâr olsun figânı bilmesin.