Süleyman Şahintürk – Vücud İklimini Fikreyle Derviş

Süleyman Şahintürk Vücud İklimini Fikreyle Derviş İlahi Sözü

Vücud iklîmini fikreyle dervîş,
Bu cân u cism ü bu yollar nedendir.
Hakk’ın ihsânına şükreyle dervîş,
Gören göz söyleyen diller nedendir.

Nedendir mihr ü mâh encâm süreyya,
Nedendir berr-ü bahr ü kûh u sahra.
Müsemmâ bir nedendir bunca esmâ,
Zuhurat-ı temessüller nedendir.

Bu hüsnü kande buldu şahîd-i kül,
Niçün feryâd eder bîçare bülbül.
Nedir kesret bir iken mebde’i kül,
Efendi bir bu çok kullar nedendir.

Şu nâdan kim edübdür Haşri inkâr,
Anı ilzâm eder evrâk-ı eşcâr.
Fenâ bulub hayâta erdi tekrâr,
Tagayyürler tebeddüller nedendir.

Kimi nâkıs bu halkın kimi kâmil,
Kimi hayretde kalmış şöyle gafil.
HÜDÂYÎ kimi nur-ı zâte vâsıl,
Terakkîler tenezzüller nedendir.