Abdullah Tamamlar – Dilersen Sırrı Paki

Abdullah Tamamlar Dilersen Sırrı Paki İlahi Sözü

Dilersen sırr-ı pâk-i Hazret-i Mevlâ’ya yâr olmak,
Gerekdir ehl-i irfâna demâdem hem-civâr olmak.
Yürü var pûte-i sohbetde kal it nefsini ey dil,
Ana mevkûfdur zîrâ zer-i ibrîz-vâr olmak.

Dilinden gitmesin bezm-i ezelde itdiğin ikrâr,
Kişi vâcib-durur peymânı üzre ber-karâr olmak.

Nice uryân idersin zâtı esmâ vü sıfatından,
Gerekmez mi dıraht-ı müntehâ pür-berg ü bâr olmak.
Bekâ-i âleme bâ’is olur mu herkes ey Hakkı,
Ki kutb-ı devr-i îcâda düşer ancak medâr olmak.