Abdullah Tamamlar – Dilde Hakkdan Gayrı

Abdullah Tamamlar Dilde Hakkdan Gayrı İlahi Sözü

Dilde Hakk’dan gayrı güftâr eylemez dervîşler,
Cânda aşkdan gayrı bir kâr eylemez dervîşler.
Lâ-mekândan geldiler evvel yine andan âhar,
Konmağa bir mülke ikrâr eylemez dervîşler.

Dünyâ vü ukbâ hevâsın dem-be-dem medh eylesen,
Hubbunu kalbinde hiç vâr eylemez dervîşler.
Dünyâ vü ukbâ hevâsın dem-be-dem medh eylesen,
Hubbunu kalbinde hiç vâr eylemez dervîşler.

Cân verüp cânânı bulmakdır murâd ancak hemân,
Bunda bundan özge bâzâr eylemez dervîşler.
Zikr olunsa dost kanda gözden akar acı yaş,
Sevmeğe Allah’ını âr eylemez dervîşler.

Mürşid-i kâmil yüzünden seyr edüp dildârını,
Hakk bilir kim meyl-i ağyâr eylemez dervîşler.
Yâr elinden yaralansa yandığından şâd olur,
Gam çeküp ol derde tîmâr eylemez dervîşler.

Kanda varsa aşka uyar kalbi arşullah olur,
Hırsa verüp gönlünü dâr eylemez dervîşler.
Döşeği sabrın tevekkül yasdığına söykenüp,
Hakk’dan ayruk kimseden çâr’eylemez dervîşler.

Gelse kaçmaz kaçsa koğmaz cengi yok dünyâ ile,
Nahnü kasemnâdan ikrâr eylemez dervîşler.
Mâsivâ rengin koma dilden sakın Ümmî Sinân,
Zât-ı Hakk’dan gayrı efkâr eylemez dervîşler.