Abdullah Tamamlar – Ey Sakii Devri Zeman

Abdullah Tamamlar Ey Sakii Devri Zeman İlahi Sözü

Ey sâkî-i devr-i zemân devrâne gel mestâne-veş
Ey fâtih-i dârü’l-emân meydâne gel peymâne-veş
Meyhâneler olsun küşâd mestâneleri eyle şâd,
Zâhidler olalar irşâd mest-i müdâm rindâne-veş.

Sâzendeler ursun sâzı sermestler itsün nîyâzı,
Mey-keşlerin çâre-sâzı ol bu şem’a pervâne-veş.
Sâzendeler ursun sâzı sermestler itsün nîyâzı,
Mey-keşlerin çâre-sâzı ol bu şem’a pervâne-veş.

Zî-zevk ola dilhâneler vecde gele peymâneler,
Şevk vire şerâbhâneler gerdenlere dürdâne-veş.
Neyden hevâ meyden nevâ terk ola hubb-i mâsivâ,
Sâkî kıl bu derde devâ şefîk ol şifâhâne-veş.

Mey ki muhabbet bâğıdır leşker-i gamı dağıdır,
Ravza-i cân çerâğıdır câna cândır cânâne-veş.
Lutfî tarâbhâneye var eyle tarâb ol bahtiyâr,
Târibler olur müşk-bâr zülf-i dilberde şâne-veş.