Abdullah Tamamlar – Bir de Etdi Bir Takım

Abdullah Tamamlar Bir de Etdi Bir Takım İlahi Sözü

Bir de etdi bir takım nisvân zuhûr,
Meryem ile Asiye bâkîsi hûr.
Görmedim onlar gibi hiç meh-cemâl,
Her birisi sanki mihr-i bî-zevâl.

Oldu şâdân onlar ile bu gönül,
Çün açıldı gülşen-i kalbimde gül.
Sâminen hâtifden oldu bir nidâ,
Kim geliyor işte ol dost-ı Hudâ.

Tutunuz ta’zîm ü tekrîmle anı,
Çün odur çeşm-i cihânın rûşeni.
Sâyesinde kılınır hâcât revâ,
Âb-ı ruyiyçün olur makbûl duâ.

Tâsi’an bir kuş ki gördüm pek güzel,
Sûretin ra’nâ yaratmış lem-yezel.
Tâ ki indi nezdime geldi o kuş,
Cânımı kıldı mu’attar bûy-i hoş.

Mesh edince arkamı ol mürg-i nûr,
Pâk Muhammed Mustafâ etdi zuhûr.
Ola bed’ ü hatmi her hayrü’l-kelâm,
Cân ü dilden es-salâtü ve’s-selâm.