Abdullah Tamamlar – Adeti Aşıkların

Abdullah Tamamlar Adeti Aşıkların İlahi Sözü

Âdeti ‘âşıkların âh-ile efgân olur,
Işk-ıla yaniklarıñ işleri giryân olur.
Işka giriftâr olan gönlini dosta salan,
Aklı virüb ‘ışk alan vâlih ü hayrân olur.

İçine bir od düşer ‘ışk-ıla kaynar taşar,
Cismi yanuban bişer ciğeri biryân olur.
İçine bir od düşer ‘ışk-ıla kaynar taşar,
Cismi yanuban bişer ciğeri biryân olur.

Gönline hîç mâsivâ gelmez anıñ mutlakâ,
Sanmanız anı gedâ çünki o hâkân olur.
Ad-ıla sandan geçer iki cihândan geçer,
Cism ile cândan geçer vâsıl-ı cânân olur.

Kârı olur zikr-i yâr ‘ışkı ider ihtiyâr,
Zühdi gönülden savar mahzen-i ‘irfan olur.
Halkın içinden çıkar kal’a-yı nefsi yıkar,
Sîl gibi çağlar akar soñ ucı ‘ummân olur.

Dir ana münkir deli ol ise Hakka velî,
Zikre müdâvim dili ‘ârif-i pinhân olur.
Kande bakar dost görür vecde gelüb raks urur,
Âleme hükmi yürür cümleye sultân olur.

Gönüne cezbe tolar benzi sararır solar,
Yârini ârzû kılar vasl-ıla handân olur.
Eyleme Kuddûsîyâ kendini dostdan cüdâ,
‘Işka olan âşinâ vâsıl-ı Yezdân olur.