Abdullah Tamamlar – Vuslatı Canana Bu Ten

Abdullah Tamamlar Vuslatı Canana Bu Ten İlahi Sözü

Vuslat-ı cânâna bu ten olalı yâ Rab hicâb,
Ayn-ı dilde bu hayâlât nice bir ola nikâb.
Firkatinden sabra tâkat kalmadı yâ Rabbenâ,
Aka aka gözyaşımdan burc-ı ten oldı harâb.

Ger irâdet olsa şâhâ eyleyüp bir vâridât,
Gülşen-i fazlına irsem itmesen bana ‘itâb.
Yakdı cânım şem’asını nûr-ı zât-ı Zü’l-Celâl,
Gitdi fânûs-ı hayâlât cümlesi oldu tebâb.

Mâsivâ sûretlerinin her biri bir dâm-ı dil,
Cân u dilden kes kuyûdu açıla râh-ı savâb.
Kâr-ı ‘aşkın ehlini bul ey Raûfî hizmet it,
Ders-i ‘aşkdan bir sebak al ol durur asl-ı kitâb.