Süleyman Şahintürk – Dil Hanesi Pür Nur Olur

Süleyman Şahintürk Dil Hanesi Pür Nur Olur İlahi Sözü

Dil hânesi pür-nûr olur envâr-ı zikrullâh ile,
İklîm-i dil ma’mûr olur mi’mâr-ı zikrullâh ile,
Her müşkil iş âsân olur derd-i dile dermân olur,
Cânın içinde cân olur esrâr-ı zikrullâh ile.

Gamgîn gönüller şâd olur dem-besteler âzâd olur,
Güm-geşteler irşâd olur âsâr-ı zikrullah ile,
Zikreyle Hakk’ı her nefes Allah bes bâkî heves,
Pes gayrıdan ümmîdi kes tekrâr-ı zikrullah ile.

Gör ehl-i hâlin fırkasın çâk etdi ceyb-i hırkasın,
Devreyle zikrin halkasın pergâr-ı zikrullah ile,
Terk et cihân ârâyişin nefsin gider âlâyişin,
Bul cân ü dil âsâyişin efkâr-ı zikrullah ile.

Gör ehl-i hâlin fırkasın çâk etdi ceyb-i hırkasın,
Devreyle zikrin halkasın pergâr-ı zikrullah ile,
Ahmed seni ikrâr eder hem zikrini tekrar eder,
İhlâsını iş’âr eder eş’âr-ı zikrullah ile.