Abdullah Tamamlar – Aşıkam Hayranem

Abdullah Tamamlar Aşıkam Hayranem İlahi Sözleri

Âşıkam hayrânem yağlı çöreğe,
Hunâb-ı samsuya etli böreğe.
Bize bin müt pirinç virse Murâd Hân,
Dahi on bin koyun bile yimeğe.

Otuz batman yağ ile üçyüz etmek,
Varaydı kim bile anlatsa beğe.
Bize bin kazan aş bin sini helvâ,
Hazır olsa üşenmezdik yimeğe.

Yimeğe kalye pilav zerde hoşdur,
Bulgur u tarhana döymez köteğe.
Murâd Hân’a halvet anlatsa sözü,
Kapuda kim bile vezîri söğe.

Bize ni’met olıcağız çaka olsa,
Yüz batman helvâdan bize ne değe.
Bu ni’metler hemân insân içindür,
Köpekler kanâ’at eyler kepege.

Âdemindir bu türlü envâ ni’met,
Hemân arpa saman gerek eşeğe.
Bu ni’metleri yir Kaygusuz Abdâl,
Du’âcıdır Hakk’a nânı yimeğe.